"आजको प्रविधिको युगमा मानिसको आधारभूत आवश्यकतामा इन्टरनेट । "

आजको प्रविधिको युगमा मानिसको आधारभूत आवश्यकतामा इन्टरनेट ।

आजको प्रविधिको युग २१ शौ शताब्दीमा मानिसका आधारभूत आवश्यकता गास , बास, कपास पछि इन्टरनेट भएको छ । आजको दिनमा इन्टरनेटको पहुँच बाट हामी वञ्चित भयौँ , भने अझै एक पुस्ता पछाडि नै पारिनेछ ।त्यसैले हामीहरू जति सक्दो इन्टरनेटको सही सदुपयोग गरि आजको प्रविधि संग संगै अपडेट हुन आवश्यक छ। एक पटक हामी कल्पना मात्र गरौं त केही दिन केही समय इन्टरनेट नभएमा हामी के गर्छौ र कति छटपटिन्छौ होला । विश्वका आधा भन्दा बढी मानिसहरू स्मार्ट फोन र इन्टरनेट विनाको आफ्नो दैनिकी कल्पना गर्न समेत छोडिसकेका छन् । प्रोफेसनल जीवन शैली र बिजिनेस व्यवसायको लागि त झन इन्टरनेट अपरिहार्य नै भैसकेको छ । बिश्वका कतिपय बिकशित राष्ट्रहरूमा हरेक नागरिकलाई न्यूनतम् इन्टरनेटको सुविधा हुनुपर्ने गरि अधिकार दिएका छन् भन्ने समाचारमा पढ्न पाउँछौ । सोसल मिडिया, बैङकिङ कारोबार, मोबाइल सञ्चार, अनलाइन पेमेन्ट जस्ता सामान्य कुराले पनि हामीले जीवनशैली नै परिवर्तन भएको महसुस गर्दछौ । इन्टरनेट सँग जोडिएका कयौ नयाँ प्राविधिकहरू छन्, जसको प्रयोगबाट हामी अझै परिवर्तनकारी हुन सक्दछौ । नेपालमा इन्टरनेटको इतिहास १९९४ देखि सुरु भएको भनिएको छ । मर्कन्टाइल कम्युनिकेशनले पहिलो पटक नेपालमा इन्टरनेट भित्रयाएको थियो । त्यसपछि वर्ल्रडलिंक,भायानेट ,सुबिसु, लगायतका इन्टरनेट सेवा प्रदायक कम्पनीहरूले बोडन्याण्ड बिस्तरामा तिव्र रूपमा काम गरिरहेका छन्, र इन्टरनेट सेवा प्रदान गर्दै आइरहेका छन् । बिश्व पाचौ पुस्ताको इन्टरनेटको प्रयोगमा अघि बढिसकेको छ डिजिटल रूपान्तरणले जीवन शैली परिवर्तन मात्र होइन कयौ देशमा आर्थिक र समृद्धि पनि कायापलट भएका छन् ।

पछिल्लो समयमा नेपालमा पनि प्राविधिको प्रयोग तिव्र रुपमा बढिरहेको छ । दूरसञ्चार प्राधिकरणले प्रकाशित गरेको गत वर्ष २०७७ सम्मको तथ्याङ्क हेर्नहो भने ७२ प्रतिशत इन्टरनेटको प्रयोग गरिरहेका छन् । लगभग ५४ प्रतिशत मानिसहरूले मोबाइल डेटा नै प्रयोग गरेर इन्टरनेट प्रयोग गरिरहेका छन् ।यसमा पनि १ करोड १५ लाखले थ्रीजी र लगभ ४५ लाखले फोरजीको प्रयोग गरिरहेका छन् । नेपाल सरकारले अबको नेपाललाई डिजिटल नेपालको सपना देखिरहेको बेलामा, क्वालिटी डेटा सर्भीस सँगै प्रत्येक नागरिकलाई डिजिटल सेवाको प्रयोगमा अभ्यस्त बनाउन आवश्यक छ। त्यस्तो गर्न सकेमा मात्र हामी आधुनिक विश्वमा एक विकासोन्मुख देश भनेर चिनिने छौ र डिजिटल नेपाल हुन सम्भव छ । जसरी गास, बास,कपासमा पहुचँ नभएमा हामी गरिवीको रेखामुनि पर्दछौ ,त्यसैगरी नै आजको आधुनिक जमानामा पनि इन्टरनेटको पहुँच बाट वञ्चित भयौँ भने हामी गरिवीको रेखामुनि पर्दछौ ।।।।।